( Sens interdit )

wie mängmal han ichs em scho gseit wänn sie s'nächschtimal es bitzli früener ich mein wänn sie d'strass vom andere ändi her denn het ich mini poscht viellicht vor em mittag ich warte so uf mini poscht wil ich ohni sie mit mir nüt afange cha und wänn mer scho debi sind viellicht chönntet sie sie ussortiere das alles will ich nöd das au nö, das au nöd und das grad au überhaupt nöd da uf die brief chunts mir a merked sie sich de umschlag, d'handschrift, d'marke, de stämpel die brief bitte immer z'oberscht hielegge damit ich sie grad gseh damit ich klar gseh öb s'ich überhaupt lohnt de briefchaschte ufzgschlüsse wüssed sie was wäge dene andere sache müend sie überhaupt nöd pressiere das säg ich ihne jetzt isch er tod das tuet mir aber leid de briefträger isch tod ich ha leider nöd andersch chöne ich han en müese z'todschloh was söll das heisse nüt debii wie meined sie das känn brief für mich das hend sie verdammt nomal geschter scho gseit und vorgeschter au also losed sie guete ma ich weiss dass es derigi brief git ich weiss das ganz genau ich weiss dass sie gschriebe werded also sind sie so guet rugged sie sie use was mached sie eigentlich nämed sie sie mit hei händ sie denn sälber niemerd wo ihne schribt ich säg ihne öppis wänn sie mir morn känn brief bringed dänn chönd sie öppis erlebe das säg ich ihne das säg ich ihne jetzt isch er tod de briefträger isch tod oje jetzt erlebt er gar nüt meh hett wieder en känn brief bracht denn han en halt müesse erschloh es isch leider nöd andersch gange jetzt isch de briefträger tot (t: milena moser)